Cyfranogwyr gyda’u gwaith tecstilau cydweithredol y tu allan i Ganolfan Gymunedol Waunarlwydd
Gyda Bae Abertawe a Golygfa o Dde Cymru (Gorllewin Abertawe)
Fel rhan o raglen allgymorth Oriel Gelf Glynn Vivian, bu’r oriel yn cydweithio â’r artist tecstilau Menna Buss a phartner y prosiect, ArtBreak, a gynhelir gan Tina Grant.
Gyda’r cyfranogwyr: Chris G | Chris L | Chris D | Glenys | Ann | Beverly | Jeff | Marjorie | Monica | Cath | Cathie | Rebecca | Angela | Gill | Liz | Debbie
Yng Nghanolfan Gymunedol Waunarlwydd, cyflwynwyd pobl leol i waith amrywiol o gasgliad parhaol Oriel Gelf Glynn Vivian. Treuliodd y grŵp y diwrnod yn ymateb yn greadigol i’r lluniau hyn drwy eiriau a phrint. Sbardunodd y darnau Bae Abertawe a Golygfa o dde Cymru (Gorllewin Abertawe) gan John Piper y sgyrsiau mwyaf gan iddynt ddangos tirnodau adnabyddus yn Abertawe a golygfeydd dramatig.
John Piper: Bae Abertawe. Print ac inc ar bapur. 1970au
John Piper: Golygfa o dde Cymru (Gorllewin Abertawe). Gouache a dyfrlliw. 1970au.
Crybwyllodd aelodau’r grŵp gysylltiadau personol â’r tirweddau ar draws y ddinas hyd at y bae. Gwnaethant ddechrau rhannu straeon a oedd yn ymwneud â’r golygfeydd: atgofion am eni babanod cyntaf, ffatrïoedd picls, gwersi piano, dringo Mynydd Cilfái, ymweld â’r môr a theithiau ar y trên ager.
Gan ddefnyddio edafedd brodwaith, dysgodd y cyfranogwyr dechnegau brodio â llaw i ychwanegu at eu printiau. Gwnaeth y cyfweliadau ddangos y straeon a oedd yn cysylltu’r cyfranogwyr â lleoedd yn lluniau John Piper, yn ogystal â’u hymatebion eu hunain i’r gwaith. Cafodd ymatebion testun eu coladu drwy ambell linell a dyfyniad a’u brodio ar gotwm gwyn: ‘sloping down streets’, ‘bright yellow sky’, ‘a lovely memory’. Ar y cyd, gosododd aelodau’r grŵp eu gwaith ar liain cefndirol i greu clytwaith.
Drwy rannu straeon, daeth y grŵp at ei gilydd a rhoddodd hynny gyd-destun gwahanol i waith John Piper. Wrth i’r lluniau ddatblygu, rhannwyd atgofion a darganfuwyd cysylltiadau. Roedd gan bawb stori unigol i’w hadrodd ac roedd un lle’n eu cysylltu … Abertawe, yn y gorffennol a’r presennol.
