Dydd Gwener 16 Ionawr 2026
2:00 pm - 3:00 pm
Ymunwch â ni am sgwrs am ddim â Lucia Jones, derbynnydd Gwobr Wakelin 2025!
Bydd Jones yn trafod y themâu a’r gwaith yn arddangosfa Wakelin 2025, sydd i’w gweld ar hyn o bryd yn Oriel Gelf Glynn Vivian yn Ystafell 7.
Mae ei gwaith yn archwilio cof a hunanganfyddiad drwy gyfryngau paent a ffilm. Gan ganolbwyntio ar yr enaid benywaidd mewn gwaith paentio, mae’n cael ei hysbrydoli gan ffilmiau rhad o’r 1950au tan y 1990au, hanes celf, a’i ffotograffau ei hun, gan newid cyd-destun menywod a’u cyflwyno mewn amgylcheddau toredig a ffug. Mae’r golygfeydd paentiedig hyn yn gweithredu fel seiffr ar gyfer profiad bywyd, pethau i gael cipolwg arnynt a’u harchwilio.
Gweinyddir a chefnogir y wobr gan Gyfeillion y Glynn Vivian ac fe’i hariennir drwy roddion er cof am Richard a Rosemary Wakelin.
Rhaid cadw lle. Hyn a hyn o leoedd sydd ar gael
Ffoniwch 01792 516900 neu cadwch le ar-lein
https://www.glynnvivian.co.uk/cadwch-lle-nawr-sgwrs-cyfeillion-y-glynn-vivian-a-lucia-jones/
Lucia Jones
Mae Lucia Jones yn arlunydd o Gymru. Ers graddio o Brifysgol Falmouth, mae hi wedi arddangos ei gwaith yn rhyngwladol mewn arddangosfeydd unigol a grŵp, gan gynnwys Eisteddfod Genedlaethol 2025, a gwobr BEEP Painting 2025 a 2024. Mae hi hefyd wedi cyrraedd y rhestr hir ar gyfer sawl gwobr gelf, fel gwobr John Moores yn 2020 a gwobr Jackson’s Art yn 2022 a 2023. Ar hyn o bryd, cedwir ei gwaith mewn casgliadau preifat yn Awstralia, Awstria, Hong Kong, Mecsico, y DU ac Unol Daleithiau America.
Categorïau
