Cyrraedd yr Oriel
Nid yw gorchuddion wyneb yn ofynnol mwyach mewn amgueddfeydd ac orielau yng Nghymru.
Er nad yw’n ofyniad cyfreithiol i chi wisgo gorchudd wyneb mwyach, gofynnwn i chi fod yn ystyriol a pharchu eraill yn ystod eich ymweliad fel y gall pawb deimlo’n ddiogel yn ein lleoliadau.
I gael y canllawiau a’r diweddariadau diweddaraf ynghylch COVID-19, ewch i wefan Llywodraeth Cymru
Cyngor ynghylch diogelwch yn ystod eich ymweliad
- Cofiwch aros gartref os ydych yn teimlo’n sâl.
- Defnyddiwch y gorsafoedd diheintio dwylo.
- Rhaid goruchwylio plant yn eich grŵp ar bob adeg.
- Caiff yr oriel ei lanhau’n fwy cyson, gan gynnwys cyfleusterau’r toiledau, dolenni drysau, canllawiau ac ardaloedd eraill yn yr adeilad.
- Taliadau digyffwrdd/â cherdyn fyddai orau yn y siop.
- Gwnaed asesiadau risg ar gyfer gweithrediadau staff ac ymwelwyr. Caiff y rhain eu hadolygu’n rheolaidd wrth ystyried yr arweiniad diweddaraf gan Lywodraeth Cymru a Chyngor Abertawe.
Cysylltu â ni
Os hoffech gael trafodaeth fwy manwl ar unrhyw un o’n mesurau diogelwch, e-bostiwch glynn.vivian@swansea.gov.uk
Cyfleusterau
Bydd siop yr oriel ar agor. Taliadau digyffwrdd/â cherdyn fyddai orau.
Bydd ein caffi, TwoCann Glynn Vivan, ar agor yn ddyddiol i weini paninis ffres, teisennau cartref a diodydd poeth ac oer.
Bydd toiledau, gan gynnwys toiledau hygyrch, a chyfleusterau newid cewynnau ar agor. Gofynnwch i aelod o staff am gyfarwyddiadau i gyrraedd y cyfleusterau agosaf.
Gellir defnyddio’r lifft. Gofynnwn i ymwelwyr ddefnyddio’r lifft pan fydd angen yn unig.
Ni fydd loceri ar gael.
Lleoedd yn Newid
Mae ein cyfleuster Changing Places wedi’i leoli wrth ymyl y caffi yn y brif dderbynfa. Mae angen allwedd ar gyfer mynediad. Siaradwch ag aelod o’r Tîm Blaen Tŷ am gymorth. Mae rhagor o wybodaeth ar gael yn www.abertawe.gov.uk/changingplaces
Mynediad i’r anabl
Mae mynediad corfforol llawn i bob man cyhoeddus yn yr Oriel, gan gynnwys orielau. Os oes gennych unrhyw ofynion, gofynnwch i’n tîm Cynorthwyydd Oriel gyfeillgar yn y dderbynfa ar ôl cyrraedd. Mae’r Oriel yn gwbl hygyrch i ddefnyddwyr bygi a chadeiriau olwyn.
