Mae’r artist arobryn Hetain Patel yn gwahodd y cyhoedd i ymuno â’r arddangosfa fwyaf o’n hoff hobïau yn Abertawe ym mis Chwefror.
Bydd arddangosfa boblogaidd Abertawe Agored yn dychwelyd i Oriel Gelf Glynn Vivian yn 2025 mewn fformat newydd cyffrous fel rhan o brosiect cenedlaethol Come As You Really Are. Mae’r prosiect a arweinir gan yr artist arobryn sy’n frwdfrydig dros Spider-Man, Hetain Patel ac Artangel, yn gwahodd yr holl wneuthurwyr, addaswyr, crefftwyr, casglwyr ac artistiaid o bob math i rannu eu hoff hobïau. Eleni, mae Abertawe Agored yn gwahodd preswylwyr Abertawe i gyflwyno eu gwaith i arddangosfa flynyddol sy’n ehangu ei chylch gwaith i gynnwys gwneuthurwyr, addaswyr a chasglwyr.
Mae’r arddangosfa’n agored i unrhyw un sy’n byw, yn gweithio neu’n astudio yn Ninas a Sir Abertawe (SA1-SA9), ac mae’n dathlu hobïau fel ffordd o gyfleu ein creadigrwydd cynhenid ac fel dull hunanfynegiant.
Fel yn ystod blynyddoedd blaenorol, mae’r arddangosfa ar agor i ddisgyblaethau o baentiadau, cerfluniau, gwaith cerameg a darluniadau i emwaith, gwaith metel a thecstilau. Eleni ehangir y gwahoddiad i gynnwys sbectrwm ehangach o grefftau a diddordebau a allai gynnwys gwisg-chwarae, casglu, creu canhwyllau, rhwymo llyfrau a llawer mwy. Ni waeth beth sy’n mynd â’ch bryd, rydym am glywed ennych!
Caiff yr arddangosfa ei churadu gan Hetain Patel ar y cyd ag Oriel Gelf Glynn Vivian a bydd mewnbwn gan grwpiau cymuned ddysgu’r oriel. Am gyfle i gymryd rhan yn yr arddangosfa, gweler y canllawiau ar gyfer cyflwyno cais
Dyddiadau Allweddol
- Cyflwyno darnau o waith: 11:00-16:00 ddydd Iau 9 Ionawr, ddydd Gwener 10 Ionawr neu ddydd Sadwrn 11 Ionawr 2025
- Dyddiadau’r arddangosfa: 15.02.25 – 27.04.25
Mae Come As You Really Are yn brosiect cenedlaethol sy’n cynnwys 13 o gyflwyniadau partner ledled Cymru, Lloegr, Gogledd Iwerddon, Yr Alban o haf 2024 i 2026. Gallwch ddarllen rhagor am y prosiect yn: www.artangel.org.uk
Meddai Karen MacKinnon, curadur y Glynn Vivian,
“Mae’r arddangosfa hon yn gyfle gwych i ddathlu creadigrwydd a brwdfrydedd pobl ein dinas dros eu hobïau. Rydym yn annog ceisiadau gan yr holl wneuthurwyr, artistiaid, casglwyr a hobïwyr.
“Hyd yn oed os nad ydych am gymryd rhan eleni, helpwch i ledaenu’r gair a dewch â’ch ffrindiau a’ch teulu i weld y dathliad gwych hwn o hobïau amrywiol a chyffrous.”
#ComeAsYouReallyAre #MapioEinHobïau @artangel_ldn @patelhetain
Come As You Really Are gan Hetain Patel
Wedi’i gomisiynu a’i gynhyrchu gan Artangel. Mae partneriaid cenedlaethol yn cynnwys Factory International, Manceinion; Oriel Gelf Glynn Vivian, Abertawe; Oriel Gelf ‘The Grundy’, Blackpool; Museum of Making, Derby Museums Trust; National Festival of Making gydag Amgueddfa ag Oriel Gelf Blackburn; Oriel Gelf Wolverhampton, Barnsley Civic; Amgueddfa ac Oriel Gelf Inverness; Northern Gallery for Contemporary Art, Sunderland; CCA Derry~Londonderry; Hospitalfield, Arbroath a Tate St Ives.
Cefnogir gan y Guardian Angels. Gyda diolch i Creative Lives.
Mae’r arddangosfa Come As You Really Are gan Hetain Patel a gyflwynir gan Artangel yn agor yn Croydon yr haf hwn
